香港由上而下，常識失效

香港人成日話自己好醒。最叻標榜點點點識搵錢，點點點炒樓炒股賺到笑，傳媒煲呢啲事例煲到天咁大，吹捧到好似乜嘢超勁成就。唓，第一，佢地輸到趴街時唔會話你知；第二，呢種不事生產對社會毫無建樹靠泡沫靠剝削他人賺來的錢都幾不義，冇咩值得沾沾自喜。

整個社會荒唐荒誕的事兒何止於此，基本由上至下，為數極多的人，不分是非，不辨善惡，不懂美醜。固然劣質新移民居功至偉，然而「社會賢達」和「上流階級」無論是語言偽術也好真心硬膠也好，發表渠道太多，可是言論低智，散發出來的腐臭氣味中人欲嘔，許多人卻無動於衷，甚至歪理當真：喂人地乜嘢身份地位，賺幾錢個月，講嘢點會錯呀，你係咪葡萄咋？

同無常識的人是無法溝通的，因為他們連一聽就知有問題的東西，都全無感覺，照單全收。做事必須有全套指引，跟足就OK，好驚一有個人主見就要負責任。（我本人極度懷疑此等XX並冇帶腦出世。）

於是一些正常的事情做不到，亂來的就不停發生。比如食水有鉛，東拉西扯查幾個月，查埋晒啲阿媽係女人嘅嘢，政府連少少承擔都冇，一句認錯道歉都唔肯，扮晒委屈到以為你想殺咗佢咁樣。比如港大校委申請禁制令不准洩露會議內容，其實佢地知道係自己行為言論離晒譜，就話人唔應該爆佢；保密協議並非垃圾權貴的遮羞布，前提還有公眾利益及知情權，若然其身不正，保密協議都保你唔住。比如香港唔夠地唔夠屋住係因為年年幾十萬新殖民迫爆，人口無上限 / 一千萬都噏得出，交通超負荷已經係日常狀態，將人當成牲口，再塞多啲再塞多啲，剝奪港人尊嚴；郊野公園係無辜的，難為小市民冇大屋冇私人花園泳池，係咪連去抖氣地方都唔准有？到頭來收咗地又係起豪宅！比如郵政署要遮走郵筒上的皇冠徽號，只因共奴一句去殖民化；「去殖民化」的真義在於去除殖民統治的暴政，而非抹掉歷史，相反現在共匪正為殖民香港而搏命「去香港化」。又比如梁振英收UGL的5000萬，好明顯極可疑，不過此獠仍然每日以皮笑肉不笑之奸樣彷彿告訴你莫奈他何；而一個政府中高層做到部門主管都可以無腦驚死到連收到支錦旗都退返畀人，因為廉署之無法律約束力建議話最好一粒塵都唔好收。

林鄭說什麼「官到無求膽自大」，即是告訴大家，公務人員職位越高，便越無法無天。我不願稱呼這些人型蠢物為「官」，事關佢地太過自我感覺良好，自以為高人一等，並不是老百姓可以企及的水平，就傲慢起來。拿幾千萬一年的公帑作俸祿去酬庸勾結梁粉，梁振英機關算盡也要通過創科局成立撥款，膽子就大得很。香港的創新科技是被什麼搞死的，不妨仔細玩味。

常識沒有了，於是我們的香港，天天上演白痴的連續劇，正常的人情道理通通不見了，低能僵化，進退失據。長此下去，香港就沒希望了。好多人好抑鬱，又唔知點解，又無力反思，又唔識反抗，一味遷就適應不合理現狀，結果鬱死自己。香港人，你還要擁抱這悲劇嗎？