689無人性

梁振英真係好無恥，講到明唔會畀政策傾斜向窮人（憑藉選票）。難怪官商勾結、政策傾斜向有錢人，十幾年來不去糾正，來到佢手上變本加厲。

有錢人使乜政府幫？可能未發達時政策幫過佢地，發咗達就應該回饋社會，唔回饋都算，而唔係繼續要你政府中人幫佢地，賺更大舊錢。咁樣好難冇利益輸送之嫌。

窮人冇著數畀到你班官，就由得佢地民生困苦？689還用到「傾斜」呢種負面字眼，好似益咗啲窮人咁。真係涼薄、刻毒呀。

窮人就係需要幫助，提供佢地自力更生空間、加強向上流動力。政府唔主力幫窮人，使乜有政府？咁嘅政府要嚟把托？大家回歸森林法則，弱肉強食罷啦！