好藉口

十幾年來自由行搞到租貴晒，物價貴晒，逼到好多老字號、小商舖結業，因為影響是逐漸出現的，到得驚覺時，大勢已去。而且表面的經濟效益，令得益者和懵然不知者，以為自由行係好嘢。

現在幾天或者一頭半個月靜咗，啲左報投共報乜都賴佔中。這個藉口，夠晒就手。又可撩㷫掛住返工返學的市民。打個風都話唔見十幾億經濟，啲人又信喎。整整下香港連風都唔敢打，幾病態呀。

現在發生的民主抗爭運動，已經和佔中無關；由於「佔中」這名稱，好像是三子發起的運動所專用，而且現在佔領金鐘、銅鑼灣、旺角、尖沙咀，倒沒佔中環。此刻我支持的是屬於真正香港人的民主抗爭。幾十年，同你傾，餐餐傾完當香港人死嘅，偽民主派、保皇派、港共政府、中共，一齊玩謝香港。

肥佬黎有私心唔出奇。如果佔中有錢收，或者周融同愛字頭如果肯畀錢我反佔中，我都會不屑一顧。係呀，我就係咁屎坑石，又硬又臭。為咗錢做賣港賊，天地不容。