香港加油

一、現在香港的街道佔領運動，並非「佔中」。佔中當然是失敗的，一開始學聯發起罷課，到金鐘示威留守後，佔中三子突然宣佈佔中，其實只是抽水、搭順風車，用他們的方法商討、投票、商討、座談……離地到不得了，哪能有今天的效果。人們出來，肯定催淚彈功勞最大啦，學聯、學民思潮也不是主辦者。

二、這是一場「香港覺醒運動」。需要足夠關鍵人數的堅持，讓香港換一番氣象。基本上香港人是認同民主的，但是在中共鐵腕權力下，怎可能有真正民主。中共是你越怕牠牠越惡的，聽話冇運行，十幾年來香港人夠晒聽話了，得到的是中國殖民清洗，生活空間越來越收窄。

三、香港好歹是國際城市。中國需要香港，香港不需要中國。看中國一直造不出另一個香港就知道，不要說上海，門兒都沒有。中國封閉的極權政府，就是經濟國際化的最大阻力。香港是中共高層將搜括的人民幣（假錢）換成港幣（真錢）至美元及其他真錢的最大和最方便又可控制的兌換站。打爛了香港，佢哋傷過我哋。出鎮壓的話，全世界睇住，歐美加澳你估唔知中共及其有關係人物的龐大財產情況？只要中共有異動，資產即被凍結。在大陸裡面，打幾多黑都唔入肉，事關人民幣本身無用；但外面已經變真的錢，無咗就hurt死咯。所以香港好安全。

四、主流傳媒投共多時，信那些報導，一定是佔領運動不得民心。我們卻看見許多支持的人，熱心市民捐助的物資，還有運動者互助互愛的精神。這些是真正的愛港者，都是市民。要提防的是抹黑、搞事、膠化的內鬼，以及政府動員的分化行為，例如警察偏頗執法、土共的反抗議、無必須的封路、慢駛、造假的故事等等，擾亂視聽。

五、所謂外國勢力，不外乎唔想中國強大。如果唔想中國強大，唯一方法就係中國要維持極權現狀，千祈唔好變。咁你要在國際生存，就可以又賺你錢，你又冇得唔靠我，除非你學北韓，完全封閉，只拿取國際人道援助。咁呢，邊啲人最有可能收錢做嘢，已經呼之欲出。

六、你可以唔關心政治，但你每日都做緊政治行為。舉個簡單例子，一條小販街，你的貨擺出啲，人哋的貨又擺出啲，大家唔讓就會爭拗。一味讓人又唔得喎，自己好快冇位做生意，條例和投訴不能永久保障，除非自律。這時候大家要協商，如果對方好說話就一人讓一步，如果對方惡死，你係咪不能放軟？這就是政治。共產黨若然友善，使乜香港人傾完又傾都冇普選？加埋保皇、偽民主政棍、土共等從中作梗，把持話語權，否則我哋使乜爭取得咁辛苦？明明真普選是基本法賦予，中共三十年前答應，係邊個反口覆舌，弄虛作假？中共唔識管香港，搞到經濟差、搞出沙士、放劣質大陸人落嚟拉低香港文明、處心積慮矮化粵語和港文化。再忍就冇碇企。

香港是屬於香港人的。香港要改變，唔使再睇中共頭。唔鍾意的自己走，中國咁好，返大陸生活啦。

講住少少先，得閒再續。