元宵火鍋一人前

過埋今日元宵，新年就算係過完了。

下午落街，睇下有乜好食，走咗入超市，諗諗下不如打個邊爐。買咗一包加拿大肥牛、兩盒蒸煮滑豆腐、一包白魚蛋、一包魚腐、一包油麥菜，埋單七十一個一。

返屋企開爐煲水，落咗之前食即食麵冇用到嘅調味粉同醬料包做湯底。烚下烚下都算幾豐富，食飽飽，除咗肥牛之外，其他食材都重剩返一半。

亂世之中，驚你就輸，睇住班人玩咗咁耐大龍鳳，總之一於少理，毋須隨人起舞，有得做就做，冇嘢做就玩，兩年過去，生活如常，正所謂冇人冇物唔怕死，自然nothing to lose囉。

大年初一

恭喜發財，萬事勝意，龍馬精神，吉星拱照，鴻運當頭！